अरुण नदीमा बोलेरो खस्यो, २ जनाको उद्धार

Share this
805shares
मुलुकी खबर
मुलुकी खबर
clock२०८२ बैशाख १५, सोमबार १७:५९

विराटनगर । संखुवासभाको खाँदबारीबाट धनकुटातर्फ आउँदै गरेको बोलेरो जिप अरुण नदीमा खसेर बेपत्ता भएको छ ।

संखुवासभा प्रहरी प्रमुख डीएसपी दक्षकुमार बस्नेतका अनुसार २ जना सवार प्रदेश १–०२–००२ च ४१०३ नम्बरको बोलेरो धनर्मदेवी नगरपालिका–८ सुर्तीबारीबाट अरुण नदीमा खसेको हो । बोलेरोमा गाडी धनी खाँदबारी नगरपालिका–९ तुम्लिङटारका ४० वर्षीय रमेश राई र चालक मकालु गाउँपालिका–५ मांसिमाका २० वर्षीय किरण गुरुङ सवार थिए ।

उनका अनुसार गाडीसँगै नदीमा खसेका दुवै जनाको उद्धार गरिएको छ । उनीहरुलाई पानीमा तैरिरहेको अवस्थामा उद्धार गरेर उपचारका लागि पठाइएको बस्नेतले बताए । तुम्लिङटारमा उपचार भइरहेका दुवै जनाको अवस्था सामान्य रहेको उनको भनाइ छ ।

बोलेरोलाई स्थानीयको सहयोगमा नेपाल र सशस्त्र प्रहरीले खोजी गरिरहे पनि हालसम्म फेला पार्न नसकिएको उनको भनाइ छ । ‘नदीमा खसेको बोलेरो देखिँदैन । खोजी कार्य जारी छ,’ बस्नेतले भने । डीएसपी बस्नेतसहितको टोली घटनास्थल पुगेर बोलेरोको खोजीमा जुटेको छ ।

पैदलयात्रीलाई ठक्कर दिएर अनियन्त्रित बनेलगत्तै सोमबार दिउँसो २ः४५ बजेतिर बोलेरो जिप नदीमा खसेको पाइएको प्रहरीले जनाएको छ । डीएसपी बस्नेतका अनुसार बोलेरोको ठक्करबाट चैनपुर नगरपालिका–११ का ६६ वर्षीय ढोकरबहादुर पाण्डे घाइते भएका छन् । उनको पनि अवस्था सामान्य रहेको र उपचार भइरहेको प्रहरीले उल्लेख गरेको छ ।

यसअघि प्रकाशित समाचारमा २ जनाको उद्धार हुनुपर्नेमा अन्यथा भएकाले सच्याइएको छ । सं.

तपाइको प्रतिक्रिया
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
थाइल्यान्डमा एक भवनमा भीषण आगलागी, ११ जनाको मृत्यु
‘साउदीको अमेजनका गोदाममा नेपालीसहितका श्रमिक शोषणमा’
मोरङमा सेप्टिक ट्यांकीभित्र बालकको शव फेला
राजबहादुर शाह सर्वाधिक व्यक्तिगत करदाता घोषित
© 2024 Muluki Khabar. All Rights Reserved. Design & Develop By: Indesign Media Pvt. Ltd.