मौसमी प्रणालीको सक्रियताले ५ प्रदेशमा वर्षाको सम्भावना

Share this
695shares
मुलुकी खबर
मुलुकी खबर
clock२०८२ बैशाख २२, सोमबार ०६:१०

काठमाडौं। देशभर हाल ३ वटा मौसमी प्रणाली सक्रिय रहेको छ । मौसमी प्रणालीको सक्रियताले विभिन्न ५ प्रदेशमा वर्षाको सम्भावना छ ।

पश्चिमी तथा स्थानीय वायु र बंगालको खाडीबाट भित्रिरहेको जलवाष्पयुक्त हावाको प्रभाव मुलुकभर परेको छ । जसको प्रभावका कारण कोशी, गण्डकी, लुम्बिनी, कर्णाली र सुदूरपश्चिम प्रदेशमा आज (सोमबार) बिहानैदेखि साधारणतया बदली रही बाँकी प्रदेशमा आंशिक बदली रहेको छ।

लुम्बिनी प्रदेशका केही स्थान, सुदूरपश्चिम प्रदेशका थोरै स्थान तथा कोशी, बागमती, गण्डकी र कर्णाली प्रदेशका १–२ स्थानमा मेघगर्जन र चट्याङसहित हल्कादेखि मध्यम वर्षा भइरहेको मौसम पूर्वानुमान महाशाखाले उल्लेख गरेको छ । कोशी, बागमती, गण्डकी, लुम्बिनी र सुदूरपश्चिम प्रदेशका केही स्थान तथा बाँकी प्रदेशका थोरै स्थानहरूमा दिउँसो मेघगर्जन र चट्याङसहित हल्कादेखि मध्यम वर्षाको सम्भावना रहेको छ ।

गण्डकी र लुम्बिनी प्रदेशका १–२ स्थानमा भारी वर्षासमेत हुनसक्ने पूर्वानुमान गरिएको छ । देशका हिमाली भू–भागका थोरै स्थानहरूमा हल्का वर्षा र हिमपात हुनसक्ने सम्भावना छ ।

जसका कारण दैनिक जनजीवन, कृषि, स्वास्थ्य, सडक तथा हवाई यातायातमा प्रभाव पर्न सक्ने महाशाखाले उल्लेख गरेको छ । महाशाखाका अनुसार मुलुकमा ३ वटा मौसमी प्रणाली केही समयसम्म सक्रिय रहने पूर्वानुमान छ ।

तपाइको प्रतिक्रिया
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
थाइल्यान्डमा एक भवनमा भीषण आगलागी, ११ जनाको मृत्यु
‘साउदीको अमेजनका गोदाममा नेपालीसहितका श्रमिक शोषणमा’
मोरङमा सेप्टिक ट्यांकीभित्र बालकको शव फेला
राजबहादुर शाह सर्वाधिक व्यक्तिगत करदाता घोषित
© 2024 Muluki Khabar. All Rights Reserved. Design & Develop By: Indesign Media Pvt. Ltd.