इटहरीमा ‘ग्याङ फाइट’ : ४ जना घाइते

Share this
665shares
मुलुकी खबर
मुलुकी खबर
clock२०८२ बैशाख २२, सोमबार ०८:०२
सांकेतिक तस्बिर

विराटनगर । सुनसरीको इटहरीमा २ समूहबीच ‘ग्याङ फाइट’ भएको छ । ‘ग्याङ फाइट’मा दोहोरो हानाहान हुँदा ४ जना घाइते भएका छन् ।

सुनसरी प्रहरीका प्रवक्ता डीएसपी योगराज खतिवडाका अनुसार इटहरी उपमहानगरपालिका–२० धनपुरी टोलमा आइतबार बिहान ११ बजेतिर दोहोरो झडप भएको हो । इटहरी–२० का ४० वर्षीय बाबु भनिने वीरेन बुढाथोकी र उनका सालो तत्काल नाम नखुलेको इकुले भनिने युवक तथा १९ वर्षीय सुशान जंग घिमिरे, इटहरी–२ का २३ वर्षीय अरुण राई र २५ वर्षीय पारस भनिने किरन राईबीचको विवाद ‘ग्याङ फाइट’मा परिणत भएको जानकारी खतिवडाले दिए ।

झडपमा वीरेन, सुशान, अरुण र किरन घाइते भएका छन् । घाइतेलाई उपचारका लागि इटहरीको बेदान्त हस्पिटल र तरहरा सामाुदायिक हस्पिटलमा भर्ना गरिएको थियो ।

केहीलाई उपचारपछि प्रहरीले नियन्त्रणमा लिएको छ । सुशान र अरुण तथा इटहरी–२ का नितेश बुढाथोकीलाई इलाका प्रहरी कार्यालय इटहरीले नियन्त्रणमा लिएको हो । मध्यम अवस्थाका किरनलाई थप उपचारका लागि धरानस्थित बीपी कोइराला स्वास्थ्य विज्ञान प्रतिष्ठान लगिएको छ ।

घटनामा संलग्न इकुले भनिने भनिने युवक फरार रहेकाले खोजी भइरहेको डीएसपी खतिवडाले बताए । घटनाका सम्बन्धमा इलाका प्रहरी कार्यालय इटहरीका डीएसपी लक्ष्मी भण्डारी नेतृत्वको टोलीले थप अनुसन्धान गरिरहेको छ ।

प्रहरीको प्रारम्भिक अनुसन्धानबाट ‘ग्याङ फाइट’मा संलग्नबीच पुरानो रिसईबी रहेको पत्ता लागेको छ । उनीहरुबीचको पुरानो रिसईबीका बारेमा प्रहरीले खुलाएको छैन । थप अनुसन्धान गरिरहेको छ ।

तपाइको प्रतिक्रिया
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
थाइल्यान्डमा एक भवनमा भीषण आगलागी, ११ जनाको मृत्यु
‘साउदीको अमेजनका गोदाममा नेपालीसहितका श्रमिक शोषणमा’
मोरङमा सेप्टिक ट्यांकीभित्र बालकको शव फेला
राजबहादुर शाह सर्वाधिक व्यक्तिगत करदाता घोषित
© 2024 Muluki Khabar. All Rights Reserved. Design & Develop By: Indesign Media Pvt. Ltd.