पाथीभरामा केबलकार निर्माणको बाटो खुल्यो, सर्वोच्चद्वारा अन्तरिम आदेश दिन अस्वीकार

Share this
733shares
मुलुकी खबर
मुलुकी खबर
clock२०८२ बैशाख ३१, बुधबार १८:५९

विराटनगर । प्रसिद्ध धार्मिक तीर्थस्थल ताप्लेजुङको पाथीभरा (मुक्कुमलुङ) मन्दिर क्षेत्रमा केबलकार निर्माण अघि बढाउने बाटो खुलेको छ ।

पाथीभरा मन्दिरसम्म निर्माणाधीन केबलकारको काम रोक्न माग गर्दै दायर रिटमा सर्वोच्च अदालतले अन्तरिम आदेश दिन अस्वीकार गरेको छ । सर्वोच्चले अन्तरिम आदेश नदिएसँगै पाथीभरा क्षेत्रमा केबलकार निर्माण अघि बढाउनलाई बाटो खुलेको हो ।

न्यायाधीश डा. नहकुल सुवेदी र अब्दुल अजिज मुसलमानको संयुक्त इजलासले बुधबार अन्तरिम आदेश दिन अस्वीकार गर्दै केबलकार निर्माण तत्काल रोक्नुपर्ने कानुनी आधार नदेखिएको ठहर गरेको छ । रिट निवेदकले केबलकारले धार्मिक, सांस्कृतिक तथा वातावरणीय क्षति पुर्याउने दाबी गर्दै काम रोक्न माग गरेर रिट दायर गरेका थिए ।

तर, सर्वोच्चले विस्तृत छलफल र प्रमाणका आधारमा मात्र अन्तिम निर्णय हुने भन्दै अन्तरिम रूपमा काम रोक्नुपर्ने अवस्था नरहेको जनाएको हो । यससँगै अब निर्माण कम्पनीले कानुनी अड्चनबिना केबलकार निर्माण कार्यलाई निरन्तरता दिन सक्नेछ ।

प्रसिद्ध धार्मिक तीर्थस्थल पाथीभरा मन्दिर दर्शनका लागि वार्षिक लाखौं भक्तजन पुग्ने गरेका छन् । केबलकार बनेपछि तीर्थयात्रीहरूलाई थप सजिलो हुने अपेक्षा गरिएको छ । तर, परियोजनाको विरोध गर्ने पक्षले मन्दिरको धार्मिक महत्व र वातावरणमा असर पार्ने तर्क गरेर केबलकार निर्माणको विरोध गर्दै आएको थियो ।

केबलकार निर्माणमा बारम्बार अवरोध गर्दै आएको समूहले सर्वोच्चमा रिटसमेत दायर गरेको थियो । उक्त रिटमाथि सुनुवाइ गर्दै सर्वोच्चले केबलकार निर्माणको बाटो तत्काललाई खुला गरे पनि मुद्दाको फैसला आउन बाँकी छ ।

सर्वोच्च अदालतको अन्तिम फैसला नआएसम्म परियोजनाले पूर्वनिर्धारित योजना अनुसार केबलकार निर्माण अघि बढाउन सक्ने छ । सर्वोच्चले मुद्दाको किनारा लगाएपछि भने त्यस अनुसार नै अघि बढ्नुपर्ने हुन्छ ।

तपाइको प्रतिक्रिया
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
थाइल्यान्डमा एक भवनमा भीषण आगलागी, ११ जनाको मृत्यु
‘साउदीको अमेजनका गोदाममा नेपालीसहितका श्रमिक शोषणमा’
मोरङमा सेप्टिक ट्यांकीभित्र बालकको शव फेला
राजबहादुर शाह सर्वाधिक व्यक्तिगत करदाता घोषित
© 2024 Muluki Khabar. All Rights Reserved. Design & Develop By: Indesign Media Pvt. Ltd.