
काठमाडौं । नेपाल सरकारका सहसचिव शोभाकान्त पौडेललाई सचिवमा बढुवा गर्ने निर्णय लिइएको छ ।
मन्त्रिपरिषद्को बुधबार साँझ बसेको बैठकले उनलाई सचिवमा बढुवा गर्ने निर्णय गरेको हो । संस्कृति, पर्यटन तथा नागरिक उड्डयन मन्त्रालयका सचिव विनोदप्रकाश सिंहले अवकाश पाएपछि सचिव पद रिक्त थियो ।
सचिव सिफारिस समितिले प्रशासन सेवातर्फ रिक्त १ सचिवमा बढुवा गर्न सहसचिव पौडेलको नाम सिफारिस गरेको थियो । उक्त सिफारिसका आधारमा पौडेललाई सचिवमा बढुवा गर्ने निर्णय मन्त्रिपरिषद्ले लिएको हो ।

























