दमकका पूर्वप्रमुख इन्द्रबहादुर बुढाथोकीको निधन

Share this
786shares
मुलुकी खबर
मुलुकी खबर
clock२०८२ जेठ ३, शनिबार १४:११

झापा । झापाको दमक नगरपालिकाका पूर्वनगर प्रमुख इन्द्रबहादुर बुढाथोकीको आज (शनिबार) बिहान निधन भएको छ ।

दमक–५ निवासी ७२ वर्षीय बुढाथोकीको बिहान ९ः५५ बजे आफ्नै निवासमा निधन भएको हो । केही समययता मुटु र मिर्गौला रोगबाट पीडित बुढाथोकी विक्रम संवत २०४९ मा सम्पन्न स्थानीय तहको निर्वाचनमा नेकपा (एमाले)बाट नगर प्रमुखमा निर्वाचित भएका थिए ।

पछिल्लो समय एमाले छाडेका उनी माधव नेपाल नेतृत्वको नेकपा (एकीकृत समाजवादी)को केन्द्रीय कमिटी सदस्य थिए । उनको आज नै अन्त्येष्टि गरिने परिवारले जनाएको छ ।

निधनप्रति समवेदना व्यक्त गर्दै दमक नगर उपप्रमुख रेगना भट्टराईले स्वर्गीय बुढाथोकीले नगर विकास, सामाजिक सेवा र नेतृत्वदायी भूमिकामार्फत दमकको समृद्धिमा पुर्‍याएको योगदान सदैव स्मरणीय रहने उल्लेख बताइन् ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.