मोरङ ट्राफिकले सुरु गर्यो सवारीसाधनको भाडादर अनुगमन

Share this
791shares
मुलुकी खबर
मुलुकी खबर
clock२०८२ जेठ ३, शनिबार १४:४६

विराटनगर । जिल्ला ट्राफिक प्रहरी कार्यालय मोरङले सार्वजनिक सवारीसाधनले यात्रुसँग लिने भाडादरको अनुगमन गर्न थालेको छ ।

सवारीसाधनले अत्यधिक भाडा लिने गरेको जनगुनासो बढेसँगै इन्स्पेक्टर राजन लम्सालको नेतृत्वमा अनुगमन सुरु भएको हो । पहिलो चरणमा विराटनगरका विभिन्न स्थान र बुढीगंगामा अनुगमन गरिएको छ ।

लम्सालका अनुसार बस, विंगर, माइक्रो, म्याजिक, ई–रिक्सा, अटो टेम्पोलगायतका यातायातका साधनको भाडादरको अनुगमन गरिएको हो । अनुगमनका क्रममा कतिपय सवारीसाधनले तोकिएको भन्दा बढी भाडा लिने गरेको पाइयो ।

‘२० रूपैयाँ लिनुपर्ने ठाउँमा ३० देखि ४० रूपैयाँसम्म लिने गरेको पाइयो । यात्रुसँग लिइएको बढी भाडा तत्काल फिर्ता गर्न लगाइएको छ,’ इन्स्पेक्टर लम्सालले भने । उनले आगामी दिनमा बढी भाडा नलिन र यात्रुमैत्री व्यवहार गर्न सार्वजनिक सवारीका चालकलाई सचेत गराइएको छ ।

अबदेखि बढी भाडा लिने सवारीसाधनलाई कारबाही गरिने लम्साल बताउँछन् । ‘पहिलो चरणमा अनुगमन गरेर सचेत गराइएको छ । आगामी दिन पनि बढी भाडा लिएको पाइयो भने तत्काल कारबाहीको दायरामा ल्याइने छ,’ उनले भने ।

कुनै सवारीसाधनले बढी भाडा लिएमा तत्काल टोली फ्री नम्बर १०३ मा जानकारी गराउन ट्राफिक प्रहरीले सबैमा आह्वान गरेको छ ।

तपाइको प्रतिक्रिया
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
थाइल्यान्डमा एक भवनमा भीषण आगलागी, ११ जनाको मृत्यु
‘साउदीको अमेजनका गोदाममा नेपालीसहितका श्रमिक शोषणमा’
मोरङमा सेप्टिक ट्यांकीभित्र बालकको शव फेला
राजबहादुर शाह सर्वाधिक व्यक्तिगत करदाता घोषित
© 2024 Muluki Khabar. All Rights Reserved. Design & Develop By: Indesign Media Pvt. Ltd.