सुनसरीमा अफ्रिकन स्वाइन फीभरबाट ३६ बङ्गुरको मृत्यु

Share this
697shares
मुलुकी खबर
मुलुकी खबर
clock२०८२ जेठ ६, मंगलबार ०७:५९

विराटनगर । सुनसरीमा अफ्रिकन स्वाइन फीभरको सङ्क्रमण फैलिएपछि बङ्गुरहरूको मृत्यु हुन थालेको छ ।

बराहक्षेत्र नगरपालिकामा अफ्रिकन स्वाइन फीभरको सङ्क्रमणका कारण ३६ वटा बङ्गुरको मृत्यु भएको भेटेरिनरी अस्पताल सुनसरीले जनाएको छ ।

बराहक्षेत्र –१ को दियाली कृषि फार्मका २० वटा बङ्गुरमा सङ्क्रमण देखिएको छ भने १७ वटाको मृत्यु भइसकेको छ ।

सोही ठाउँको बराह बङ्गुर फार्ममा १५ वटामा सङ्क्रमण देखिएको छ भने ७ बङ्गुरको मृत्यु भएको छ ।

त्यस्तै, सुवास श्रेष्ठले पालेका बङ्गुर फार्ममा २२ वटामा सङ्क्रमण देखिएको छ भने १२ को मृत्यु भएको भेटेरिनरी अस्पतालले जनाएको छ ।

स्थानीयले व्यावसायिक रूपमा पालेका बङ्गुरमा अफ्रिकन स्वाइन फीभरको सङ्क्रमण देखिएको भेटेरिनरी अस्पताल तथा पशुसेवा विज्ञ केन्द्र इनरुवाका प्रमुख डा. मनोजकुमार महतोले जानकारी दिए ।

बराहक्षेत्रमा मात्र अहिलेसम्ममा उक्त फीभरले ३६ बङ्गुरको मृत्यु भएको छ भने ५७ वटामा अझै सङ्क्रमण रहेको छ ।

डा. महतोका अनुसार यअघि सुनसरीको दुहबी, रामधुनी र धरानमा सङ्क्रमण देखिएको थियो ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.