गजलः खुशी भएर मात्र बाँच्न कहाँ …

Share this
773shares
मुलुकी खबर
दिपक कटुवाल
clock२०८२ जेठ १०, शनिबार ११:०३

 

खुशी भएर मात्र बाँच्न कहाँ सकिँदो रैछ र सधैँ
जिन्दगीको यात्रा एकनास कहाँ हुँदो रैछ र सधैँ

रहरका चाङहरु बाध्यताको लगामले निमोठेर
अरुकै खुशीको लागि गुलाम बन्नु पर्ने रैछ सधैँ

उसकै छायाँ अघि पछि लुकामारी खेल्दै रमाए पनि
अन्जानमा भेटिएको ऊ कहाँ आफ्नै हुँदो रैछ र सधैँ

गन्तव्य विहीन यात्रा पनि कसैलाई त प्यारो हुने रैछ
खै किन पीडा बुझ्छु भन्नेले नै गर्दा रहेछन् घात सधैँ

रात जति नै रंगीन भए पनि आखिर पर्खाइ बिहानीकै
सुन्दर फुलमा पनि मिठो सुगन्ध कहाँ रहिरहन्छ र सधैँ

फर्केर फेरि यहाँ दुनियाँ बुझाउनु छ उसैलाई अझै
किनकि बिना स्वार्थको सम्बन्ध कहाँ टिक्छ र सधैँ

-खाँदबारी, संखुवासभा

 

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.