सप्तकोशी उच्च बाँध : विराेधकाबीच डीपीआर गरिँदै

Share this
709shares
मुलुकी खबर
मुलुकी खबर
clock२०८२ जेठ ११, आइतबार ०८:१९
सप्तकोशीमा पानीको सतह बढ्दा ३१ वटा ढोका खोलियो 

काठमाडौं । स्थानीयबासीको अवरोधका बाबजुत सप्तकोशी उच्च बाँध बहुउद्देश्यीय आयोजना तथा सुनकोशी स्टोरेज डाइभर्सन आयोजनाले विस्तृत परियोजना प्रतिवेदन (डीपीआर)का लागि काम सुरु भएको छ ।

आयोजनाका निमित्त प्रमुख सहदेव थापाका अनुसार कोशी उच्च बाँध निर्माण कार्य अघि बढाउनका लागि विस्तृत अध्ययनको कार्य सुरु भएको हो ।

सप्तकोशी नदीबाट तीन हजार मेगावाट बिजुली निकाल्ने, आसपासमा सिँचाइका लागि ठुला परियोजना सञ्चालन गर्ने र भारतसँगको जलमार्ग निर्माण गर्नेलगायतका महत्वकांक्षी योजनाका साथ डीपीआर सुरु गरिएको हो ।

कोशी उच्च बाँध बहुचर्चित र विवादित परियोजना हो । बाँध निर्माणका लागि चालु आर्थिक वर्षभित्रै डीपीआरका लागि नौ स्थानमा ड्रिलिङ गर्ने योजना छ । धनकुटाका दुई र उदयपुरको एक स्थानमा ड्रिलिङको काम भइरहेको छ ।

सुरुमा बाँधको उचाइ २६९ मिटर हुने भनिएको भए पनि २०८० असोज २३ र २४ गते विराटनगरमा भएको दुई देशका अधिकारीबीचको छलफलमा बाँधको उचाइ २३९ मिटर कायम गर्ने प्रस्ताव गरिएको छ । बाँधको उचाइ २६९ मिटर कायम भए कोशी प्रदेशको १९० वर्ग किलोमिटर तथा २३९ मिटर अग्लो बनाइए १३० वर्ग किलोमिटर भूमि डुबानमा पर्ने छन् ।

कोशी बाँध निर्माण गर्दा विकास पनि हुने र स्थानीयको जनजीवनलाई असर नपर्ने गरी गर्नुपर्ने सम्बन्धित पालिकाका प्रतिनिधिले बताएका छन् । कोशी बाँधको डीपीआरको चर्चा चलेपछि संघर्ष समिति अहिले प्रभावित पालिका पुगेर कोशी उच्च बाँध निर्माण गर्न नहुने दाबी गर्दै जनप्रतिनिधिलाई ज्ञापनपत्र बुझाइरहेका छन् ।

साँगुरीगढी गाउँपालिकाका अध्यक्ष जितेन्द्र राईले भन्छन,‘विकास रोक्ने गर्दै नगर्ने भन्ने हुँदैन । स्थानीयको मागलाई सम्बोधन गरी विकास होस् ।”

सहिदभूमि गाउँपालिकाका अध्यक्ष मनोज राईले प्रभावित क्षेत्रका बासिन्दालाई रुष्ट नबनाई विकास गरिनुपर्ने बताए । खोजकर्ता टीकाराम लिङ्खाले उच्च बाँधको नेपालमा फाइदाभन्दा पनि बेफाइदा बढी हुने बताए ।

उनले उच्च बाँध बनाउन नहुने बताए । उच्च बाँध निर्माणकाे चर्चा सुरु भएपछि सप्तकाेशी किनारका स्थानीयले विगतदेखि नै विराेध गरिरहेका छन् ।

तपाइको प्रतिक्रिया
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
थाइल्यान्डमा एक भवनमा भीषण आगलागी, ११ जनाको मृत्यु
‘साउदीको अमेजनका गोदाममा नेपालीसहितका श्रमिक शोषणमा’
मोरङमा सेप्टिक ट्यांकीभित्र बालकको शव फेला
राजबहादुर शाह सर्वाधिक व्यक्तिगत करदाता घोषित
© 2024 Muluki Khabar. All Rights Reserved. Design & Develop By: Indesign Media Pvt. Ltd.