
झापा । विषाक्त च्याउ खाँदा इलाममा तीन जनाको मृत्यु भएको छ । माङसेबुङ गाउँपालिका–५ का ५५ वर्षीय अमर लावती, २५ वर्षीया मनिषा लिम्बू र १७ वर्षीया नुमा लावतीको मृत्यु भएको हो ।
च्याउ खाएपछि विरामी परेका उनीहरुलाई बिर्तामोडस्थित बिएनसी अस्पतालमा भर्ना गरिएको थियो । उपचारका क्रममा तीन जनाको मृत्यु भएको सूचना अधिकारी डा अनुपम घिमिरेले जानकारी दिए । उनीहरुले छ दिनअघि चिया बगानमा उम्रिएको च्याउ खाएका थिए ।

























