
काठमाडौं । बाजुराको जगन्नाथ गाउँपालिका–२ काँडाकोटमा जिप दुर्घटना हुँदा ३ जनाको मृत्यु भएको छ । नेपाल टेलिकम बाजुरा कार्यालयको बा ५ च २२०९ नम्बरको जिप दुर्घटना भएको हो ।
जिप सडकबाट ८० मिटर खसेको छ । सुदूरपश्चिम प्रहरी ट्राफिक प्रहरी कार्यालय अत्तरियाका प्रहरी नायब उपरीक्षक (डीएसपी) टेक जोराका अनुसार दुर्घटनामा नेपाल टेलिकम बाजुराका प्रमुख लोकबहादुर खड्का, चालक नन्दराम महता र जिपमा सवार रवीन्द्र धामीको मृत्यु भएको हो ।
तीनैजनाको घटनास्थलमा मृत्यु भएको हो । जिपमा सवार नन्दराम तिरुवा र लोकेन्द्र तिरुवा घाइते भएका छन् ।
बाजुरा प्रहरी प्रमुख प्रहरी नायब उपरीक्षक इकवाल हवारीका अनुसार बाजुरा सदरमुकामबाट टेलिकमको टावर मर्मतका लागि जगन्नाथ गाउँपालिकातर्फ गइरहेका बेला काडाकोटमा जिप दुर्घटनामा परेको हो ।























