हावाहुरीले दमकमा क्षति, तुलसी सहकारीको संरचना भत्कियो

Share this
728shares
मुलुकी खबर
मुलुकी खबर
clock२०८२ जेठ १९, सोमबार १२:१७

विराटनगर । हावाहुरीले तुलसी बहुमुखी सहकारी संस्थाको दमकमा रहेको ट्रष्ट भत्काएको छ । आइतबार वर्षासँगै आएको हावाहुरीले दमक नगरपालिका–९ मा रहेको तुलसी बहुमुखी सहकारी संस्थाको शाखा कार्यालय भवन अगाडि राखेको ट्रष्ट र सीसा उडाएको हो ।

२ वर्षदेखि यो भवन बन्द अवस्थामा थियो । इलाका प्रहरी कार्यालय दमकमा अनुसार भवनको अगाडि भागको सबै सिसा फुटेर झरेको थियो । जसले गर्दा भवन अगाडि पार्क गरी राखेको मे १ ज २०३० नम्बरको बोलेरो गाडीको अगाडीको सिसा फुटेको छ ।

हावाले सहकारीकै ट्रष्ट उडाउँदा कमला पोखरेल भट्टराईले सञ्चालन गरेको दाजु भाई पसलमा समेत क्षति पुगेको छ ।

प्रहरीका अनुसार राति साढे ९ बजे आएको हावाहुरीले दमक नगरपालिका–४ अडियामल स्थित अडियामल–आम्दा अस्पताल सडकमा रहेको ७ वटा बिजुलीको पोल समेत ढलेको छ ।

सर्वसाधारणले बचत अपचलन मुद्दामा जिल्ला अदालत मोरङले सहकारीका अध्यक्ष केदारनाथ शर्मासहित तीन जनालाई सहकारी ठगीमा दोषी ठहर गरेको थियो ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.