सर्पले डसेर वन कार्यालयका कर्मचारीको मृत्यु

Share this
768shares
मुलुकी खबर
मुलुकी खबर
clock२०८२ जेठ २२, बिहीबार १७:२६

महोत्तरी । सर्पले डसेर डिभिजन वन कार्यालय महोत्तरीका एक कर्मचारीको मृत्यु भएको छ । प्रहरीका अनुसार गौशाला नगरपालिका–१० लक्ष्मिनिया निवासी रुपेश महतोको मृत्यु भएको हो ।

डिभिजन वन कार्यालय, लक्ष्मिनियामा करार सेवामा कार्यरत महतोलाई बुधबार राति करिब १ बजे सर्पले पेटमा र तिघ्रामा डसेको थियो । उनलाई तत्काल बर्दिबास सर्पदंश उपचार केन्द्रमा उपचारका लागि लगिएको थियो ।

त्यहाँबाट थप उपचारका लागि जनसेवा अस्पताल बर्दिबास पुर्‍याइएको थियो । तर उपचारका क्रममा आज (बिहीबार) उनको मृत्यु भएको हो ।

मृतक महतो डिभिजन वन कार्यालयअन्तर्गत साझेदार वन उपभोक्ता समूह लक्ष्मिनियामा कार्यरत रहेका जिल्ला प्रहरी कार्यालय महोत्तरीले जनाएको छ । करिब एक वर्षदेखि रुपेश सोही कार्यालयमा भान्सेका रूपमा कार्यरत थिए ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.