गर्मी अत्यधिक बढेपछि इटहरीका विद्यालयहरु बन्द

Share this
804shares
मुलुकी खबर
मुलुकी खबर
clock२०८२ जेठ २७, मंगलबार १७:४६

विराटनगर । अत्यधिक गर्मी बढेपछि सुनसरीको इटहरी उपमहानगरपालिकाले नगर क्षेत्रका सम्पूर्ण सामुदायिक तथा संस्थागत विद्यालयहरूमा बिदा दिने निर्णय गरेको छ ।

इटहरी उपमहानगसपालिकाले इटहरी क्षेत्रभित्रका सबै विद्यालयमा असार २८ गते बुधबारका दिन गर्मी बिदा दिइएको भन्दै सूचना जारी गरेको छ । वर्षे बिदाबाट कट्टी गर्ने गरी १ दिनका लागि बिदा दिइएको जनाइएको छ ।

तापक्रम अत्यधिक बढ्दै गएपछि विद्यालय सञ्चालनमा कठिनाइ भएको र विद्यार्थीहरूको स्वास्थ्यमा प्रतिकूल असर पर्न थाले पछि बिदा दिइएको उपमहानगरपालिकाले जनाएको छ ।

केही दिनयता गर्मी निकै बढेको छ । यो वर्ष औसत समयभन्दा १५ दिनअघि नै नेपालमा मनसुन भित्रिएको भए पनि केही दिनयता निस्क्रिय बनेकाले पानी पर्न सकेको छैन । त्यही भएर गर्मी निकै बढेको हो । आज (मंगलबार) विराटनगर र आसपास क्षेत्रको तापक्रम ३८ डिग्री सेल्सियसभन्दा माथि पुगेको छ ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.