
विराटनगर । पाँचथरकाे हेवा खाेलामा निर्माणाधीन बेलिब्रिज भाचिँदा एक जनाकाे मृत्यु भएको छ । चार जना गम्भीर घाइते भएका छन् । यद्यपि प्रहरीले मृत्युको पुष्टि गरेकाे छैन ।
मेची राजमार्गको पुल गत वर्ष आएको बाढीले बगाएपछि बेलिब्रिज निर्माण सुरु गरिएको थियाे । बेलिब्रिज निर्माणका क्रममा आज अपरान्ह अचानक पुल भाँचिएको हाे । बेलिब्रिज आज जाेडेर सक्ने याेजना थियाे ।
पुल भाँचिदा पुल निर्माणमा खटिएका पाँच जना मजदुर गम्भीर घाइते भएको पाँचथरका प्रमुख जिल्ला अधिकारी अरुण पाेखरेलले जानकारी दिए । उनका अनुसार पुल भाँचिने कारण खुलेकाे छैन् । घाइतेलाई उपचारका लागि पठाइएको उनलेे बताए ।

























