
विराटनगर । विराटनगर महानगरपालिकाका प्रमुख नागेश कोइराला जोर्डन हुँदै नेपाल फर्किने भएका छन् ।
कृषिकर्म र सहकारी अभ्यासबारे अवलोकनका लागि इजरायल पुगेका कोइराला इरान–इजरायल युद्धका कारण उतै रोकिएका थिए । मंगलबार उनी जोर्डनबाट ओमन हुँदै नेपाल फर्कन लागेका हुन् ।
मेयर कोइराला जोर्डनबाट ओमान हुँदै नेपाल आउने परराष्ट्र मन्त्रालयका प्रवक्ता कृष्णप्रसाद ढकालले जानकारी दिए ।
मेयर कोइराला जेठ २७ गते इजरायल पुगेका थिए । उनी पुगेपछि इजरायल र इरानबीच युद्ध सुरु भयो । युद्धका कारण उनी सहभागी हुने भनिएको सबै कार्यक्रम रोकिएको थियो । दुई देशबीच आक्रमण सुरु भएका कारण बंकरमा बसेका थिए ।
मेयर कोइरालाका प्रेस संयोजक मीनकुमार श्रेष्ठका अनुसार जोर्डनबाट कुवेत हुँदै कोइराला नेपाल आउनेछन् ।
























