‘के दलित यो देशको नागरिक होइन ?’

Share this
729shares
मुलुकी खबर
मुलुकी खबर
clock२०८२ असार ५, बिहीबार १४:३२

विराटनगर । प्रतिनिधिसभाका स्वतन्त्र सांसद डा. अमरेशकुमार सिंहले प्रतिनिधिसभा बैठकमा दलितमाथि हिंसा र अन्यायको विषय उठाएका छन् ।

दलित समुदायमाथि भइरहेको हिंसाबारे सरकार मौन रहेको उनको आरोप छ ।

‘यो सरकार आएपछि देशभर दलितमाथि हत्या, हिंसा, बलात्कार भइरहेको छ,’ डा. सिंहले भने, ‘महोत्तरीको रामगोपालपुरमा केही दिनअघि दलित महिलाकी एक महिलामाथि सामूहिक बलात्कार भयो । तर, अहिलेसम्म कारबाही भएन ।’

दलित यो देशको नागरिक होइन र उसले न्याय नपाउनु पर्ने भन्दै उनले सरकारसँग प्रश्न गरे ।

फरक प्रसंगमा उनले पैसा खाएर सवारीचालक इजाजतपत्र बाँडिएकाले दिनहुँ दुर्घटनाका घटना बढिरहेको बताए । ‘पैसा खाएर हातहातमा लाइसेन्स दिइएको छ । टिपर चलाउने अधिकांशको लाइसेन्स नक्कली छ । जसका कारण दिनहुँ दुर्घटनाको घटना बढिरहेको छ,’ उनले भने ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.