संविधानसभा सदस्यको निधन

Share this
715shares
मुलुकी खबर
मुलुकी खबर
clock२०८२ असार १८, बुधबार ११:१७

बारा । संविधानसभा सदस्य रामअयोध्या प्रसाद यादवको बुधबार बिहान निधन भएको छ । नेपाली कांग्रेसका नेतासमेत रहेका यादवको ७२ वर्षको उमेरमा निधन भएको हो ।

उनको घर बाराको सुवर्ण गाउँपालिका– २ कवहीजगात हो । उपचारका क्रममा वीरगन्जस्थित हेल्थकेयर अस्पतालमा निधन भएको परिवारले जनाएको छ ।

लामो समयदेखि मधुमेहको समस्याबाट पीडित रहेका यादवलाई स्वास्थ्य अवस्था जटिल बनेपछि उपचारका लागि अस्पताल भर्ना गरिएको थियो । यादव २०७० सालमा सम्पन्न संविधानसभाको दोस्रो निर्वाचनमा बारा क्षेत्र नम्बर १ बाट निर्वाचित भएका थिए ।

यादव नेपाली कांग्रेस बाराका पूर्वजिल्ला सचिव तथा पार्टीको महासमिति सदस्य हुन् । उनका २ छोरा, १ छोरी र पत्नी छन् । बुधबार नै अन्त्येष्टि गर्ने तयारी परिवारको छ ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.