
काठमाडौं । रोल्पाको थबाङका सात जना कर्मचारी सम्पर्कमा आएका छन् ।
प्रमुख प्रशासकीय अधिकृतसहित सात जना कर्मचारी आज बिहान गाउँपालिका अध्यक्ष ऋषि केशव बुढामगरको सम्पर्कमा आएका हुन् । फोन गरेर आफूहरू गुल्मीको दुर्गम गाउँमा रहेको जानकारी दिएको बुढामगरले बताए ।
तीन दिनअघि कामको सिलसिलामा रुकुम पूर्वतिर गएका उनीहरु टेलिकमको नेटवर्क नहुँदा परिवार तथा कार्यालयसँग सम्पर्कविहीन भएका थिए ।
उनीहरु गुल्मी किन गए भनेर थाहा हुन नसकेको अध्यक्ष बुढामगरले बताए । उनीहरु सम्पर्कमा नआएपछि गाउँपालिकाले हिजो विज्ञप्ति निकालेर कसैसँग जानकारी भए खबर गरिदिन आग्रह गरेको थियो ।

























