जसपा बाहिरिएपछि गुम्याे दुईतिहाइ, राष्ट्रियसभामा सत्तापक्ष अल्पमतमा

Share this
777shares
मुलुकी खबर
मुलुकी खबर
clock२०८२ असार ३२, बुधबार १७:३१

काठमाडौं । जनता समाजवादी पार्टी (जसपा) नेपालले सरकारलाई दिएको समर्थन फिर्ता लिएको छ ।

बुधबार बसेको संसदीय दल बैठकले सरकारलाई दिएको समर्थन फिर्ता लिएको हो ।  जसपाले समर्थन फिर्ता लिएपछि सरकारकाे दुईतिहाइ गुमेको छ । राष्ट्रियसभामा सत्तापक्ष अल्पमतमा परेको छ ।

केपी शर्मा ओली प्रधानमन्त्री नियुक्त हुँदा नेपाली कांग्रेस, नेकपा एमाले सहित ७ राजनीतिक दलका १८८ जना सांसदले समर्थन दिएका थिए । यो प्रतिनिधिसभाको दुई तिहाइ हो । तर, जसपा नेपाल र नागरिक उन्मुक्ति पार्टीले समर्थन फिर्ता लिएपछि दुई तिहाइ बहुमत गुमेको हाे ।

३ सांसद रहेको जसपा नेपालको साथ नपाउँदा यसअघि नै सत्तारुढ दल राष्ट्रिय सभामा अल्पमतमा परेको थियो । ५९ सदस्यीय राष्ट्रिय सभामा कांग्रेससँग १६ र एमालेसँग ११ सिट मात्र छ ।

सरकारमा रहेको अर्को दल लोसपासँग एक सिट छ । विपक्षमा रहेकाे माओवादी केन्द्रसँग १७, एकीकृत समाजवादीसँग ८, जसपा नेपालसँग ३ र राष्ट्रिय जनमोर्चासँग एक सिट छ ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.