
काठमाडौं । सभामुख देवराज घिमिरेले शीतल निवास पुगेर राष्ट्रपति रामचन्द्र पौडेलसँग भेटघाट गरेका छन्। शुक्रबार भेटवार्ता भएको राष्ट्रपतिको सचिवालयले जनाएको छ ।
राष्ट्रपति पौडेलले बिहीबार संवैधानिक परिषदसम्बन्धी विधेयक संसदमै फिर्ता गरेका थिए । राष्ट्रपति पौडेलले सुझावसहित विधेयक प्रतिनिधि सभामा फिर्ता गरेको भोलिपल्ट घिमिरे शीतल निवास पुगेका थिए ।
भेटमा सभामुख घिमिरेले सभामुखहरूको जेनेभामा जुलाई २९ देखि ३१ सम्म हुने विश्व सम्मेलनमा नेपालको सहभागीता बारेमा राष्ट्रपति पौडेललाई जानकारी गराएका थिए ।
सभामुख घिमिरे सभामुखहरूको विश्व सम्मेलनमा सहभागी हुनका लागि २७ जुलाईमा जेनेभा जाने कार्यक्रम रहेकोसमेत बताएका थिए।
























