कुलिङ पिरियड गडबडीमा खतिवडा जिम्मेवार

Share this
638shares
मुलुकी खबर
मुलुकी खबर
clock२०८२ साउन २०, मंगलबार ०८:०७

काठमाडौं । संसदीय छानविन समितिले संघीय निजामती सेवा विधेयकको कुलिङ पिरियड गडबडीमा नेपाली कांग्रेसका सांसद तथा राज्य व्यवस्था समितिका सभापति रामहरि खतिवडा जिम्मेवार रहेको निष्कर्षसहितको प्रतिवेदन तयार गरेको छ ।
संसदीय छानबिन विशेष समितिले खतिवडा नैतिक जिम्मेवार रहेको निष्कर्षसहितको प्रतिवेदन तयार पारेको हो ।

उच्च पदस्थ कर्मचारीको हकमा पद अनुकूल आचरण गरेको नदेखिएको पनि छानबिन समितिको निष्कर्ष छ ।

राज्य व्यवस्था समितिबाट पास भएको प्रतिवेदन प्रतिनिधि सभामा जाँदा समिति सभापति रामहरि खतिवडा र सचिव सुरजकुमार दुराको हस्ताक्षर थियो । त्यसैले समितिले छानबिन प्रतिवेदनमा उनीहरुको नाम किटान गरेको छ ।

मुख्यसचिव र कर्मचारीहरुको हकमा पदीय र कानुनी जिम्मेवार हुने भएकाले सोही अनुसार जिम्मेवार हुने व्यहोरा प्रतिवेदनमा उल्लेख छ । नाम भने प्रतिवेदनमा किटान गरिएको छैन ।

आज बिहान चार बजे छानबिन प्रतिवेदन लेखन टुंग्याएर समितिले सर्वसम्मत पास गरेको समिति सदस्य एवम् नेकपा एमालेकी सांसद ईश्वरी घर्तीले बताइन् ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.