
विराटनगर । तुर्कमेनिस्तान भ्रमणबाट फर्किएपछि प्रधानमन्त्री केपी शर्मा ओलीले आइतबार राष्ट्रपति रामचन्द्र पौडेललाई भेटेका छन् ।
पौडेललाई भेट्न ओलीले शीतलनिवास पुगेका थिए । शीतलनिवासमा प्रधानमन्त्री ओली र राष्ट्रपति पौडेलबीच भेटवार्ता भएको हो ।
प्रधानमन्त्रीले आफ्नो तुर्कमेनिस्तान भ्रमणबारे राष्ट्रपतिलाई जानकारी गराएको बताइएको छ । प्रधानमन्त्रीको सचिवालयले भेटवार्ता नियमित भएको जनाएको छ ।
























