तमोर नदीमा टिपर खस्दा १ जना बेपत्ता

Share this
741shares
मुलुकी खबर
मुलुकी खबर
clock२०८२ भदौ ९, सोमबार १६:५६
तमोर नदीमा टिपर खस्दा १ जना बेपत्ता

विराटनगर । ताप्लेजुङको फक्ताङलुङमा गाउँपालिकामा १ जना टिपरसहित तमोर नदीमा खस्दा बेपत्ता भएका छन् ।

सोमबार (आज) तमोर –५ जलविद्युत आयोजनाको टिपर चेकजाँच गर्ने क्रममा टिपरसहित तनहुँको शुक्ला गण्डकी गाउँपालिका– ४ का २४ वर्षीय सुदीप सुवेदी तमोर नदीमा खसेर बेपत्ता भएको प्रहरीले जनाएको छ ।

नदीमा खसेर बेपत्ता भएका सुवेदी आयोजनाको मेकानिकल क्षेत्रमा काम गर्थे ।

फक्ताङलुङमा –६ लेलेपस्थित तमोर कोरिडोर सडक खण्डमा ग १ क ६३१८ नम्बरको टिपर चेकजाँच गर्ने क्रममा सडकदेखि करिब २५ मिटर तल तमोर नदीमा टिपर खसेको थियो । नदीमा खसेर बेपत्ता भएका सुवेदीको खोजी कार्य भइरहेको प्रहरीले जनाएको छ ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.