
काठमाडौं । संसदीय सुनुवाइ समिति सभापति ईश्वरीदेवी न्यौपानेले पदबाट मंगलबार राजीनामा दिएकी छन् ।
नेपाली कांग्रेसले उनलाई राज्य व्यवस्था तथा सुशासन समिति सभापति बनाउने निर्णय गरेसँगै उनले सुनुवाइ समितिबाट राजीनामा दिएकी हुन् । उनले सभामुख देवराज घिमिरेलाई भेटेर राजीनामा बुझाइन् ।
न्यौपानेको राजीनामा दर्ता समेत भइसकेको सभामुखका प्रेस सल्लाहकार शेखर अधिकारीले जानकारी दिए ।
























