मुग्लिन–नारायणगढ सडक खण्ड एकतर्फी सञ्चालनमा

Share this
738shares
मुलुकी खबर
मुलुकी खबर
clock२०८२ असोज ५, आइतबार १७:०६

काठमाडौं । चितवनको नारायणगढ–मुग्लिन सडकखण्ड अन्तर्गत तुइन खोलामा गएको पहिरो पन्छाएपछि आइतबार अपराह्नबाट सडक आंशिक रूपमा सञ्चालनमा आएको छ ।

सडक डिभिजन कार्यालय भरतपुरका अनुसार करिब दुई दिनदेखि पूर्णरूपमा अवरुद्ध बनेको सडकलाई एकतर्फी सञ्चालनमा ल्याइएको हो । गत शुक्रबार साँझ करिब ६ बजेतिर खसेको पहिरोका कारण यो सडक खण्ड बन्द हुँदा हजारौं यात्रुहरू बाटोमै अलपत्र परेका थिए ।

पहिरो पन्छाएपछि सवारी साधनहरूलाई पालैपालो गन्तव्यतर्फ पठाउन थालिएको छ । नेपालका प्रमुख व्यापारिक मार्गहरूमध्ये एक मानिने नारायणगढ–मुग्लिन सडकखण्ड बारम्बार पहिरोका कारण अवरुद्ध हुने समस्या आइरहँदा यात्रु र व्यापारीहरू मर्कामा परेका छन् ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.