फाइल तस्बिरविराटनगर । झापाको बिर्तामोड नगरपालिका वडा नम्बर ७, खालबाडीमा हात्तीको आक्रमणबाट एक पुरुषको मृत्यु भएको छ ।
बुधबार राति जंगलबाट आएको एउटा हात्तीले आक्रमण गर्दा करिब ३५/३६ वर्षीय एक पुरुषको मृत्युु भएको हो ।
मृतकको तत्काल नाम, थर र वतन खुल्न सकेको छैन ।
घटनाबारे जानकारी प्राप्त हुनासाथ इलाका प्रहरी कार्यालय अनारमनीबाट प्रहरी सहायक निरीक्षक रुपेश राईको कमान्डमा प्रहरी टोली घटनास्थलमा खटिएको थियो ।
घटनाबारे थप अनुसन्धान भइरहेको प्रहरीले जनाएको छ।

























