मधेशमा नयाँ सरकार गठनको गृहकार्य : मुख्यमन्त्रीमा कृष्णप्रसाद यादवको दाबी

Share this
750shares
मुलुकी खबर
मुलुकी खबर
clock२०८२ असोज २२, बुधबार १९:२७

काठमाडौं । मधेश प्रदेशमा नयाँ सरकार गठनको गृहकार्य सुरु भएको छ । मुख्यमन्त्री सतिशकुमार सिंहले राजीनामा नदिएपछि नेकपा एमालेले समर्थन फिर्ता लिएर नयाँ सरकार गठनको दाबी पेश भएको हो ।

बहुमत सांसदले नेपाली कांग्रेसका संसदीय दलका नेता कृष्णप्रसाद यादवलाई मुख्यमन्त्री बनाउन मागसहित दाबी पेश गरेका हुन् । काङ्ग्रेस एमाले र जनमतले आजै प्रदेश प्रमुख कार्यालयमा दाबी पेश गरेका हुन् ।

नेकपा एमालेले आजै सतिशकुमार सिंहलाई दिएको समर्थन फिर्ता लिँदै सरकारमा रहेका आफ्ना चार मन्त्रीलाई फिर्ता बोलाएको थियो ।

संविधानको धारा १६८ को उपधारा (२) बमोजिम नयाँ सरकार गठनका लागि एमालेका २३, कांग्रेसका २२ र जनमतका १३ जना प्रदेशसभा सांसदले दाबी पेश गरेका हुन् ।

१०७ सदस्य प्रदेश सभामा सरकार बनाउन ५४ सदस्य आवश्यक पर्छ ।

जनमतबाट मुख्यमन्त्री बनेका सतिशकुमार सिंहले जिनजी आन्दोलनको क्रममा गत भदौ २४ गते फेसबुकबाट राजीनामा घोषणा गरेका थिए । तर, अवस्था सहज भएपछि उनले राजीनामा नदिने अडान लिएका थिए ।

जनमत संसदीय दलको निर्णयलाई समेत सिंहले बेवास्ता गर्दै आएका छन् ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.