दलहरुद्वारा सर्वदलीय बैठक बहिष्कार

Share this
729shares
मुलुकी खबर
मुलुकी खबर
clock२०८२ कात्तिक २९, शनिबार १८:३०

धनुषा । मधेश प्रदेशमा आह्वान गरिएको सर्वदलीय बैठक दलहरुले बहिष्कार गरेका छन् । मधेश प्रदेशका प्रमुख डा. सुरेन्द्र लाभले बैठक आह्वान गरेका थिए ।

उक्त बैठक ७ राजनीतिक दलले बहिष्कार गरेका हुन् । बैठकमा ७ दलीय गठबन्धनका नेता तथा कार्यकर्ताहरू सहभागी भएनन् । बैठक निष्प्रभावी बनेको छ ।

असंवैधानिक रूपमा नियुक्त भई होटलमा शपथ लिएका वर्तमान मुख्यमन्त्री सरोजकुमार यादव बैठकमा सहभागी रहेका कारण बहिष्कार गरिएको दलहरुले जनाएका छन् । जसपा नेपालका प्रमुख सचेतक रामअशिष यादवले मुख्यमन्त्री सहभागी भएका कारण बैठक बहिष्कार गरिएको जानकारी दिए ।

प्रदेश प्रमुखले मधेशमा बढ्दो राजनीतिक संकट समाधान गर्ने भनेर बैठक आह्वान गरेका थिए । मधेशमा केही दिनयता राजनीतिक संकट चुलिएको छ ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.