विशेष महाधिवेशनको दबाबः कांग्रेसको केन्द्रीय समितिको बैठकअघि आज विशेष भेला

Share this
721shares
मुलुकी खबर
मुलुकी खबर
clock२०८२ मंसिर १०, बुधबार १०:३८

काठमाडौँ । नेपाली कांग्रेसभित्र विशेष महाधिवेशनको माग सशक्त रूपमा उठिरहेका बेला यस पक्षधरले केन्द्रीय समितिको बैठकअघि आज (बुधबार) विशेष भेला बोलाएको छ ।

केन्द्रीय समिति बैठकबाट विशेष महाधिवेशनको मिति तोकिनुपर्ने मागलाई अझ प्रभावकारी बनाउन दबाब सिर्जना गर्ने उद्देश्यले यो भेला आयोजना गरिएको नेताहरूले बताएका छन् ।

कांग्रेसको विशेष महाधिवेशनको माग गर्दै पार्टीका २ हजार ४९९ प्रतिनिधिले हस्ताक्षरसहित गत असोज २९ गते कार्यवाहक सभापति पूर्णबहादुर खड्कालाई लिखित प्रस्ताव पेश गरेका थिए ।

विधान अनुसार, प्रस्ताव पेश भएको मितिले तीन महिनाभित्र विशेष महाधिवेशन बोलाउनुपर्ने व्यवस्था छ । भेलाको आज दिउँसो १ बजे, राष्ट्रिय सभा गृहमा हुने जनाइएको छ ।

भेलालाई सशक्त र प्रभावकारी बनाउन विशेष महाधिवेशन पक्षधर नेताहरू सक्रिय छन् । भेलामा जिल्ला सभापतिहरू, पुराना पुस्ताका नेताहरू, र नयाँ पुस्ताका प्रतिनिधिहरूले सम्बोधन गर्ने कार्यक्रम छ ।

विशेष महाधिवेशनका लागि हस्ताक्षर संकलनको अगुवाइ गरेका नेता गुरुराज घिमिरेले भेला निकै प्रभावकारी हुने बताएका छन् ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.