ई–रिक्साको लाइसेन्स सहज, चेकजाँच कडाइमा संयुक्त प्रतिबद्धता

Share this
708shares
मुलुकी खबर
मुलुकी खबर
clock२०८२ मंसिर २४, बुधबार ०८:०९

विराटनगर । कोशी प्रदेशमा ई–रिक्सा (सीटी सफारी)का लागि सवारी चालक अनुमति पत्र (लाइसेन्स) लिने प्रक्रियालाई उल्लेख्य रूपमा सहज बनाइएपछि त्यसको प्रभावकारी कार्यान्वयनबारे मंगलबार विराटनगरमा सरोकारवालाबीच छलफल भएको छ ।

विकल्प एन अल्टरनेटिभ नामक संस्थाको आयोजनामा कोशी प्रदेशको आन्तरिक मामिला तथा कानुन मन्त्रालयमा आयोजना गरिएको कार्यक्रममा सहभागीहरूले सफारीको लाइसेन्स चेकजाँचमा कडाइ गर्ने धारणा व्यक्त गरे । सरोकारवाला निकायले भने चेकजाँचमा कडाइ गरिने संयुक्त प्रतिबद्धता जनाएका छन् ।

आन्तरिक मामिला तथा कानुनमन्त्री रेवतीरमण भण्डारीले ई–रिक्सा चालकका लागि ऐन संशोधन गरेर कोशी प्रदेश सरकारले सहज र व्यवहारिक प्रणाली लागू गरिसकेको बताए । उनका अनुसार अन्य प्रदेशमा अझै पनि लिखित परीक्षा उत्तीर्ण गर्नुपर्ने प्रावधान कायम रहेका बेला कोशी सरकारले चालकको शैक्षिक पृष्ठभूमि र वास्तविक सिपको आधारमा मौखिक परीक्षा वा अनिवार्य तालिममार्फत लाइसेन्स दिने व्यवस्था कार्यान्वयनमा ल्याएको छ ।

मन्त्री भण्डारीले चालकको लाइसेन्स र सवारी साधनको बिमा सार्वजनिक यातायात सञ्चालनको मूल आधार भएको उल्लेख गर्दै प्रदेश सरकारले ऐन संशोधन गरेर ई–रिक्सा चालकहरूको रोजगारी सहज बनाउन र सुरक्षित यातायात प्रणाली निर्माणका लागि काम गरेको बताए । उनले यातायात कार्यालयहरूमा ‘निःशुल्क नागरिक सहायता कक्ष’ सञ्चालनमा आएपछि सेवा लिनेहरूलाई प्रक्रिया बुझ्न सजिलो भएको जानकारी पनि गराए ।

मन्त्रालयकी उपसचिव उर्मिला निरौलाले हाल सीमावर्ती क्षेत्रका बजारहरू विशेषगरी विराटनगरमा भारतीय नागरिकहरूले पनि ई–रिक्सा चलाउने गरेको गुनासो बढ्दै गएको बताउँदै यसलाई प्रदेश सरकारले अत्यन्तै गम्भीररूपमा लिएको स्पष्ट पारिन् । यसबारे ट्राफिक प्रहरीसँग समन्वय गरी कडाइका साथ नियन्त्रण गर्ने तयारी थालिएको उनको भनाइ छ

मोरङ ट्राफिक प्रमुख इन्स्पेक्टर सन्तोष न्यौपानेले लाइसेन्स चेकजाँच कडाइका साथै यसको व्यवस्थित व्यवस्थापनका लागि पनि ट्राफिक प्रहरीले योजना बनाइरहेको जानकारी दिए । न्यौपानेका अनुसार भारतीय नागरिकले सीमा पार गरेर ई–रिक्सा चलाउने प्रवृत्ति रोक्न सीमा क्षेत्रमै कडाइ गर्ने तयारी छ ।

विकल्प एन अल्टरनेटिभका संस्थापक तथा कार्यकारी निर्देशक वसन्त अधिकारीले ई–रिक्सा लाइसेन्स प्रक्रिया सहज भएपछि पनि चालकहरू स्वयं लाइसेन्स बनाउन उदासीन रहेकाले समस्या अझै कायम रहेको बताए । उनले लाइसेन्सबिना सवारी सञ्चालनलाई निरुत्साहित गर्न चेतना, नियमन र संस्थागत समन्वय आवश्यक भएकाले छलफल आयोजना गरिएको उल्लेख जानकारी दिए ।

कार्यक्रममा मन्त्रालय, ट्राफिक, ई–रिक्सा चालकहरुलगायत सरोकारवालाको सहभागिता रहेको थियो । विकल्पले लामो समयदेखि ई–रिक्सा दर्तादेखि लाइसेन्स प्रक्रिया सुधार, चालकहरूको क्षमता अभिवृद्धि तथा सुरक्षित रोजगारी विस्तारका विषयमा अनुसन्धान एवं पैरवी गर्दै आएको छ ।

 

तपाइको प्रतिक्रिया
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
© 2024 Muluki Khabar. All Rights Reserved. Design & Develop By: Indesign Media Pvt. Ltd.