नेपाली युवालाई अष्ट्रेलियामा बलात्कार अभियोगमा ३ वर्ष जेल सजाय

Share this
616shares
मुलुकी खबर
मुलुकी खबर
clock२०८२ मंसिर २६, शुक्रबार १०:२९

काठमाडौँ। अष्ट्रेलियाको क्‍यानबेरास्थित एसीटी सुप्रिम कोर्टले एक युवतीमाथि बलात्कार गरेको अभियोगमा एक नेपाली युवालाई तीन वर्षको जेल सजाय सुनाएको छ। अष्ट्रेलियाली समाचार संस्था ‘एबीसी न्युज’ का अनुसार अदालतले ३१ वर्षीय अभिषेक तिमल्सिनालाई बलात्कारको २ अभियोग र सहमतिबिना ४ अश्लील कार्यको दोषी ठहर गर्दै जेल सजाय सुनाएको हो।

तिमल्सिनाले क्यानबेरामा रहेको वेस्टफिल्ड बेलकन्ननको एक मलमा आफू काम गर्ने आर्ट पसलमा ग्राहकलाई बलात्कार गरेको अभियोगमा २ पटक मुद्दा चलाइएको थियो।

घटना नोभेम्बर २०२२ मा आर्ट पसलमा भएको थियो। ग्राहक सामान किन्न आएको बेला तिमल्सिनाले पसलको सटर लगाए, महिलालाई कामको सर्ट लगाउन लगाए, उनको फोटो खिचे र सहमति बिनै चुम्बन गरे। त्यसपछि उनले महिलालाई पछाडिको कोठामा लगे, जहाँ महिलाको असफल प्रतिरोधका बाबजुद उनले दुई पटक बलात्कार र धेरै पटक अश्लील दुर्व्यवहार गरेको समाचारमा उल्लेख छ।

एटीसी सर्वोच्चका न्यायाधीश भेरिटी म्याकविलियमले तिमल्सिनाले युवतीमाथि बलात्कार गर्ने वातावरण योजनाबद्ध रूपमा बनाएको फैसलामा उल्लेख गरेका छन्। उनले पसलको रोलर ढोका बन्द गर्नु, ‘स्वतःस्फूर्त’ फोटो खिच्न सुरु गर्नु र महिलालाई शर्ट फेर्न आग्रह गर्नुलाई योजनाबद्ध कार्यको रूपमा लिएका छन्। न्यायाधीशले लेखेका छन्, “पीडित पसलमा बन्द थिइन्, जसले गर्दा उनीमाथि जोखिम बढ्यो।”

नेपालमा हुर्किएका तिमल्सिना १२ महिनाभन्दा बढी जेल परेमा निर्वासनको जोखिममा पर्ने छन्। समाचार अनुसार, यो मुद्दा ‘सकारात्मक सहमति कानून’ अन्तर्गत एसीटीमा भएको पहिलो परीक्षण हो।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.