
काठमाडौँ । सरकारले प्रतिनिधिसभा सदस्य निर्वाचनसम्बन्धी ऐनलाई परिमार्जन गर्न अध्यादेश जारी गर्ने प्रक्रिया अगाडि बढाएको छ । बिहीबार बसेको मन्त्रिपरिषद् बैठकले प्रतिनिधिसभा सदस्य निर्वाचन अध्यादेश जारी गर्नका लागि राष्ट्रपतिसमक्ष सिफारिस गर्ने निर्णय गरेको हो ।
मन्त्रिपरिषद्मा पेश भएको उक्त अध्यादेशले प्रतिनिधिसभा सदस्य निर्वाचन ऐन, २०७४ को अनुसूचीलाई संशोधन गर्ने लक्ष्य राखेको छ । विशेषगरी दलित, आदिवासी जनजाति, खस आर्य, मधेसी, थारु र मुस्लिम समुदायको पछिल्लो जनसङ्ख्या प्रतिशतका आधारमा प्रतिनिधित्व निर्धारण गर्नका लागि यो कानुनी व्यवस्था संशोधन गर्न लागिएको मन्त्रिपरिषद्का एक सदस्यले जानकारी दिएका छन् ।

























