विराटनगरको फोहोर व्यवस्थापनमा देखिएको अवरोध हट्यो

Share this
671shares
मुलुकी खबर
मुलुकी खबर
clock२०८२ पुस १०, बिहीबार १८:०३

विराटनगर । विराटनगर महानगरपालिकाको फोहोर विसर्जन स्थल (ल्याण्डफिल साइट) लाई लिएर उत्पन्न पाँच दिन लामो विवाद साम्य भएको छ । जिल्ला प्रशासन कार्यालय मोरङमा भएको बहुपक्षीय छलफलमा  लिखित सहमति भएसँगै बिहीबारबाट फोहोर ढुवानी पुनः सुरु भएको हो ।

विगत एक दशकदेखि वडा नम्बर ६ को ब्रम्हपुरामा फोहोर व्यवस्थापन गर्दै आएको महानगरले पुस १ गतेदेखि वडा नं. १६ स्थित दरैयामा रहेको आफ्नै जग्गामा फोहोर फाल्न थालेको थियो । तर, छिमेकी बर्जु गाउँपालिकाका बासिन्दाले स्वास्थ्यमा असर पर्ने भन्दै अवरोध गरेपछि विगत पाँच दिनदेखि महानगरको फोहोर उठ्न सकेको थिएन ।

के भयो सहमति ?
जिल्ला प्रशासन कार्यालयमा भएकाे छलफलमा विराटनगर–१६ का वडा अध्यक्ष उद्धवकुमार भुजेलको संयोजकत्वमा बर्जु गाउँपालिकाका प्रतिनिधि र स्थानीय सम्मिलित ‘अनुगमन समिति’ गठन गर्ने निर्णय भएको छ । सहमति अनुसार:
१. दुर्गन्ध फैलिन नदिन दैनिक केमिकल प्रयोग गर्ने ।
२. फोहोरलाई तत्काल माटोले पुर्नुपर्ने ।
३. विसर्जन केन्द्र जाने सडकलाई स्तरोन्नति गर्ने ।
४. फोहोर बोक्ने गाडीलाई अनिवार्य रूपमा त्रिपालले छोप्ने ।
५. वर्षायाममा केसलिया खोलाको पानी पस्न बैशाख नदिन तटबन्ध/पर्खाल निर्माण गर्ने ।

शान्तिका लागि वातावरण नेपालका व्यवस्थापक एकराज खनालका अनुसार सहमतिसँगै रोकिएका फोहोरका गाडीहरू विसर्जन केन्द्रतर्फ जान थालेका छन् । यदि सहमति अनुसार काम नभए पुनः अवरोध गर्ने चेतावनी स्थानीयले दिएका छन् ।

विराटनगर महानगरबाट दैनिक १०५ देखि ११५ मेट्रिक टनसम्म फोहोर संकलन हुन्छ ।

तपाइको प्रतिक्रिया
अन्तर्राष्ट्रिय विद्यार्थी दिवस: साहस र अधिकार सम्झाउने दिन
मंसिर ९ गतेदेखि आत्मानन्द गोल्डकप, ८ टिमको सहभागिता
इलामको टोड्केमा वार्षिक एक करोड २० लाखको टमाटर उत्पादन
प्रधानमन्त्री शाहको भारत भ्रमण राजकीय हुने तयारी
बाढीपछिको पुनर्निर्माणमा एडिबीको सहयोग बढाउन नेपालको आग्रह
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
© 2024 Muluki Khabar. All Rights Reserved. Design & Develop By: Indesign Media Pvt. Ltd.