सुरक्षा गोष्ठीमा सहभागी हुन विराटनगर आइपुगे गृहमन्त्री : भने, ‘म दलमा सहभागी छैन’

Share this
822shares
मुलुकी खबर
मुलुकी खबर
clock२०८२ पुस १५, मंगलबार १२:२१

विराटनगर । कोशी प्रदेशस्तरीय सुरक्षा गोष्ठीमा सहभागी हुन गृहमन्त्री ओमप्रकाश अर्यालय विराटनगर आइपुगेका छन् ।

उनी मंगलबार बिहान विराटनगर विमानस्थलमा अवतरण गरेका हुन् । आगामी फागुन २१ गतेका लागि घोषणा गरिएको प्रतिनिधिसभा निर्वाचनको सुरक्षा रणनीति र कोशी प्रदेशको सामग्र सुरक्षा अवस्थाका बारेमा समीक्षा गर्न बुधबार विराटनगरमा सुरक्षा गोष्ठीको आयोजना गरिएको छ ।

गोष्ठीको उद्घाटन गर्ने अघिल्लै दिन गृहमन्त्री अर्याल प्रदेश राजधानी विराटनगर आइपुगेका हुन् । जेनजी आन्दोलनको आवरणमा आगजनी गरिएको जिल्ला प्रशासन कार्यालय मोरङको मंगलबार दिउँसो उनले स्थलगत निरीक्षण भ्रमण भ्रमण गर्ने छन् ।

गृहमन्त्री अर्याल सुनसरीको चतराधाम पनि पुग्ने कार्यक्रम छ । विराटनगर विमानस्थलमा संचारकर्मीलाई संक्षिप्त प्रतिक्रिया दिँदै उनले आफू कुनै दलमा सहभागी नभएको बताए । जेनजी आन्दोलनपछि बनेको अन्तरिम सरकारका गृहमन्त्री अर्यालले आफू कुनै दलमा सहभागी नभएको बताएका हुन् ।

अर्याललाई विमानस्थलमा पत्रकारहरुले सुशासनको कुरा भइरहेको छ अनि सरकारमा बसेका मन्त्रीहरु पार्टी खोलेर हिँडिरहेको भनेर प्रश्न गरेका थिए । प्रश्नको छोटो जवाफ दिँदै उनले भने, ‘म त्यसमा सहभागी भएको छैन । यतिसम्म मात्रै भन्न सक्छु ।’

विराटनगरमा आयोजित प्रदेशस्तरीय सुरक्षा गोष्ठी निर्वाचन केन्द्रित हुने छ । चुनावलाई भयरहित र सुरक्षित वातावरणमा सम्पन्न गराउने विषयमा बैठक केन्द्रित हुने सुरक्षा स्रोतले बतायो ।

गोष्ठीमा गृह मन्त्रालयका साथै नेपाल र सशस्त्र प्रहरी बल तथा राष्ट्रिय अनुसन्धान विभागकाका उच्च अधिकारीहरू एवं प्रदेशका १४ वटै जिल्लाका सुरक्षा प्रमुखहरुको उपस्थिति रहने छ । सुरक्षा प्रमुखहरुले आआफ्नो जिल्लाको सुरक्षा अवस्था र चुनौतीका बारेमा ‘ब्रिफिङ’ गर्ने छन् । बैठकले निर्वाचन लक्षित प्रदेशस्तरीय सुरक्षा कार्ययोजना पनि बनाउने छ ।

निर्वाचन घोषणापछिको विकसित सुरक्षा परिस्थिति, सीमा क्षेत्रको संवेदनशीलता र जिल्लागत सुरक्षा रणनीतिका विषयमा सुरक्षा प्रमुखहरूले छुट्टाछुट्टै प्रस्तुति दिने बताइएको छ । निर्वाचनका बेला हुन सक्ने अवाञ्छित गतिविधि नियन्त्रण र सुरक्षा संयन्त्रबीचको समन्वयलाई प्रभावकारी बनाउन तथा निर्वाचन केन्द्रित भएर काम गर्न गृहमन्त्री आर्यालले सुरक्षा निकायलाई आवश्यक निर्देशन दिने छन् ।

तपाइको प्रतिक्रिया
अन्तर्राष्ट्रिय विद्यार्थी दिवस: साहस र अधिकार सम्झाउने दिन
मंसिर ९ गतेदेखि आत्मानन्द गोल्डकप, ८ टिमको सहभागिता
इलामको टोड्केमा वार्षिक एक करोड २० लाखको टमाटर उत्पादन
प्रधानमन्त्री शाहको भारत भ्रमण राजकीय हुने तयारी
बाढीपछिको पुनर्निर्माणमा एडिबीको सहयोग बढाउन नेपालको आग्रह
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
© 2024 Muluki Khabar. All Rights Reserved. Design & Develop By: Indesign Media Pvt. Ltd.