मोरङको ग्रामथानमा अध्यक्ष-उपाध्यक्ष शक्ति संघर्ष : लेखाको ताला फुटाइयो

Share this
751shares
मुलुकी खबर
मुलुकी खबर
clock२०८२ पुस १७, बिहीबार १५:१४

विराटनगर । मोरङको ग्रामथान गाउँपालिकामा जनप्रतिनिधिबीचको शक्ति संघर्षले उग्र रूप लिएको छ । अध्यक्ष नमोनारायण माझी र उपाध्यक्ष गुणवतीदेवी थारु पक्षबीचको विवादका कारण बिहीबार पालिका कार्यालय परिसर दिनभर तनावग्रस्त बन्यो ।

अध्यक्ष माझीले एकलौटी ढंगले काम गरेको आरोप लगाउँदै उपाध्यक्ष थारुले बुधबार पालिकाको लेखा शाखामा तालाबन्दी गरेकी थिइन् । उक्त ताला खोल्न माग गर्दै पुगेका अध्यक्षका समर्थक र स्थानीयले बिहीबार जबर्जस्ती ताला फुटाएपछि स्थिति नियन्त्रण बाहिर गएको हो। ताला फुटाउने क्रममा दुई पक्षबीच भनाभन र हातहालाहाल समेत भएको थियो ।

उपाध्यक्ष गुणवतीदेवी थारुले अध्यक्ष माझीले गाउँसभा एकलौटी रूपमा सम्पन्न गरेको र बजेट किताबमा आफ्नो अस्तित्व नै स्वीकार नगरेको आरोप लगाएकी छन् । ‘बजेट पुस्तिकामा अध्यक्ष र प्रमुख प्रशासकीय अधिकृतको मात्र मन्तव्य राखिएको छ, उपाध्यक्षको मन्तव्य किन हटाइयो ?’ उनले प्रश्न गरिन् ।

यता, गत मंसिरको उपनिर्वाचनमा नेकपा माओवादी केन्द्रबाट निर्वाचित अध्यक्ष माझीले भने आफूलाई एमालेको बहुमत रहेको कार्यपालिकामा घेराबन्दी गरिएको बताएका छन् । उनले काम गर्न नदिने नियतले उपाध्यक्ष र एमाले निकटका जनप्रतिनिधिले पटक-पटक अवरोध सिर्जना गरेको गुनासो गरे ।

यी दुई जनप्रतिनिधिबीचको विवाद कार्यालयभित्र मात्र सीमित छैन। यसअघि गत पुस ९ गते विराटनगरको मुख्य सडकमा अध्यक्षले प्रयोग गरिरहेको गाडीको साँचो उपाध्यक्ष थारुले खोसेपछि सार्वजनिक रूपमै बाझाबाझ भएको थियो । बिहीबार ताला फुटाउन पुगेका प्रदर्शनकारीहरूले आफूहरू कुनै राजनीतिक कार्यकर्ता नभई पालिकाको सेवा ठप्प हुँदा मर्कामा परेका स्थानीय भएको दावी गरेका छन् । स्थिति थप बिग्रन नदिन ठूलो संख्यामा प्रहरी परिचालन गरिएको थियो ।

जनप्रतिनिधिहरूको व्यक्तिगत र राजनीतिक टकरावले गर्दा ग्रामथानको प्रशासनिक र विकास निर्माणका कार्यहरू नराम्ररी प्रभावित भएका छन् ।

तपाइको प्रतिक्रिया
अन्तर्राष्ट्रिय विद्यार्थी दिवस: साहस र अधिकार सम्झाउने दिन
मंसिर ९ गतेदेखि आत्मानन्द गोल्डकप, ८ टिमको सहभागिता
इलामको टोड्केमा वार्षिक एक करोड २० लाखको टमाटर उत्पादन
प्रधानमन्त्री शाहको भारत भ्रमण राजकीय हुने तयारी
बाढीपछिको पुनर्निर्माणमा एडिबीको सहयोग बढाउन नेपालको आग्रह
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
© 2024 Muluki Khabar. All Rights Reserved. Design & Develop By: Indesign Media Pvt. Ltd.