देशभर जलपन्छी गणना सुरु: ४ सय बढी स्वयंसेवक र विज्ञ परिचालन

Share this
701shares
मुलुकी खबर
मुलुकी खबर
clock२०८२ पुस १९, शनिबार १४:४१

काठमाडौं । शनिबारदेखि देशभरका तालतलैया, नदी र सिमसार क्षेत्रमा जलपन्छीको गणना सुरु भएको छ। हरेक वर्ष जनवरी महिनाको पहिलो शनिबारदेखि सुरु गरिने यो गणना यस वर्ष पुस १९ देखि माघ ४ (जनवरी ३ देखि १८) सम्म चल्नेछ। चौतर्फी सङ्कटका बीच पानी र सिमसारमा आश्रित चराहरूको अवस्था पत्ता लगाउन मध्य हिउँदको समय रोजिएको हो।

वेटल्याण्ड इन्टरनेशनलको संयोजन र नेपाल पन्छीविद् सङ्घको समन्वयमा सुरु भएको यस अभियानमा राष्ट्रिय निकुञ्ज तथा वन्यजन्तु संरक्षण विभाग र पन्छी संरक्षण सङ्घ (बीसीएन) ले सहयोग गरेका छन्। गणनामा देशभरका ४ सयभन्दा बढी चराविद्, नेचर गाइड, वाइल्डलाइफ फोटोग्राफर र स्वयंसेवकहरू सहभागी छन्। उनीहरूले चराको सङ्ख्या अद्यावधिक गर्नुका साथै संरक्षणमा स्थानीय समुदायलाई सहभागी गराएर जनचेतना फैलाउने काम गर्नेछन्।

पूर्वको कोसी टप्पुदेखि पश्चिमको शुक्लाफाँटासम्म र तराईको जगदीशपुर पन्छी आरक्षदेखि उत्तरको रारा तालसम्मका १८ प्रमुख सिमसार क्षेत्रका ८० भन्दा बढी स्थानमा गणना गरिनेछ। हरेक क्षेत्रका लागि छुट्टाछुट्टै संयोजक तोकिएको छ। चितवनमा पुस २४ र २५ गते तीन भागमा विभाजन गरेर गणना गरिने कार्यक्रम छ भने पोखराका ११ स्थानसहित धनुषाधाम, हेटौँडा र नवलपुरका सिमसार क्षेत्रलाई पनि यसमा समेटिएको छ।

तपाइको प्रतिक्रिया
अन्तर्राष्ट्रिय विद्यार्थी दिवस: साहस र अधिकार सम्झाउने दिन
मंसिर ९ गतेदेखि आत्मानन्द गोल्डकप, ८ टिमको सहभागिता
इलामको टोड्केमा वार्षिक एक करोड २० लाखको टमाटर उत्पादन
प्रधानमन्त्री शाहको भारत भ्रमण राजकीय हुने तयारी
बाढीपछिको पुनर्निर्माणमा एडिबीको सहयोग बढाउन नेपालको आग्रह
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
© 2024 Muluki Khabar. All Rights Reserved. Design & Develop By: Indesign Media Pvt. Ltd.