एकीकृत समाजवादीको वैधानिकतामाथि ओलीले दायर गरेको रिट खारेज

Share this
619shares
मुलुकी खबर
मुलुकी खबर
clock२०८२ पुस २१, सोमबार १६:०७

काठमाडौँ । नेकपा (एमाले) का अध्यक्ष केपी शर्मा ओलीले नेकपा (एकीकृत समाजवादी) पार्टीको वैधानिकतामाथि प्रश्न उठाउँदै निर्वाचन आयोगलाई विपक्षी बनाएर दायर गरेको रिट सर्वोच्च अदालतले खारेज गरिदिएको छ। सोमबार न्यायाधीशद्वय मनोजकुमार शर्मा र सुनिलकुमार पोखरेलको संयुक्त इजलासले उक्त रिट खारेज गर्ने आदेश दिएको हो।

यो मुद्दा विगत चार वर्षदेखि सर्वोच्च अदालतमा विचाराधीन थियो। एमाले अध्यक्ष ओलीले २०७८ भदौ १७ मा माधवकुमार नेपालको नेतृत्वमा गठन भएको एकीकृत समाजवादीको दर्ता प्रक्रिया र त्यसमा सामेल भएका १४ सांसदको पदमुक्तिको माग गर्दै रिट दायर गरेका थिए।

तत्कालीन सरकारले राजनीतिक दलसम्बन्धी ऐनलाई अध्यादेशमार्फत संशोधन गरी केन्द्रीय समिति वा संसदीय दलका २० प्रतिशत सदस्यले मात्रै पार्टी फुटाउन सक्ने व्यवस्था गरेपछि एकीकृत समाजवादी दर्ता भएको थियो। एमालेले उक्त अध्यादेश र त्यसका आधारमा भएका पार्टी विभाजनका प्रक्रियाहरू गैरकानुनी भएको दाबी गर्दै तत्कालीन सभामुख अग्निप्रसाद सापकोटा र लुम्बिनी प्रदेशका सभामुखलाई समेत विपक्षी बनाएर कानुनी लडाइँ सुरु गरेको थियो।

सोमबारको यो फैसलासँगै एकीकृत समाजवादीको वैधानिकतामाथि रहेको कानुनी चुनौती समाप्त भएको छ। अदालतको पूर्ण पाठ आउन बाँकी भए पनि यो आदेशले साढे तीन वर्षभन्दा लामो समयदेखि चल्दै आएको राजनीतिक-कानुनी विवादलाई किनारा लगाएको छ।

तपाइको प्रतिक्रिया
अन्तर्राष्ट्रिय विद्यार्थी दिवस: साहस र अधिकार सम्झाउने दिन
मंसिर ९ गतेदेखि आत्मानन्द गोल्डकप, ८ टिमको सहभागिता
इलामको टोड्केमा वार्षिक एक करोड २० लाखको टमाटर उत्पादन
प्रधानमन्त्री शाहको भारत भ्रमण राजकीय हुने तयारी
बाढीपछिको पुनर्निर्माणमा एडिबीको सहयोग बढाउन नेपालको आग्रह
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
© 2024 Muluki Khabar. All Rights Reserved. Design & Develop By: Indesign Media Pvt. Ltd.