रास्वपा र थरुहटका नेताबीच बृहत् राजनीतिक एकता

Share this
689shares
मुलुकी खबर
मुलुकी खबर
clock२०८२ पुस २१, सोमबार १७:२२

काठमाडौं । नागरिक उन्मुक्ति पार्टीका पूर्वनेतृत्वसँगै थरुहट/थरुवान अभियन्ताहरू राष्ट्रिय स्वतन्त्र पार्टी (रास्वपा)मा समाहित भएका छन् । ‘बृहत् राजनीतिक समायोजन’ सभा मार्फत थरुहट अभियान्ता रास्वपामा समाहित भएका हुन् ।

सहमतिपत्रमा रास्वपाका उपसभापति डोलप्रसाद अर्याल, थारुहट/थारुवान अभियन्ता लक्ष्मण थारु, नागरिक उन्मुक्ति पार्टीका वरिष्ठ उपाध्यक्ष दामोदर पण्डित र थरुहट/थरुवान अभियन्ता सुरेन्द्र चौधरीले हस्ताक्षर गरेका छन् ।

९ बुँदे सहमतिमा गत भदौमा भएको जेनजी आन्दोलनको अपनत्व लिने उल्लेख छ । अबकाे १० वर्षभित्र नेपाललई सम्मानजनक मध्यम आय भएको राष्ट्र बनाउने मार्गचित्रको इमान्दार कार्यान्वयनमा समर्पित हुने भनिएको छ ।

‘बृहत् समायोजन’पछि दलको नाम “राष्ट्रिय स्वतन्त्र पार्टी” र झण्डा साविककै रहने उल्लेख छ । त्यस्तै दलको चुनाव चिह्न ‘घण्टी’ र केन्द्रीय कार्यालय काठमाडौैं उपत्यकामा रहने सहमति भएको छ ।

टीकापुर घटनालाई राजनीतिक आन्दोलनका रूपमा स्वीकार्ने सहमतिमा पनि दुवै पक्ष पुगेका छन् ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.