
वीरगञ्ज । जिल्ला प्रशासन कार्यालय पर्साले वीरगञ्ज क्षेत्रमा कर्फ्यु आदेश जारी गरेको छ । जिल्ला सुरक्षा समितिको निर्णयअनुसार आज साँझ ६ बजेदेखि भोलि बिहान ८ बजेसम्मका लागि कर्फ्यु जारी गरेकाे हाे ।
पर्साका प्रमुख जिल्ला अधिकारी भोला दाहालले वीरगञ्ज महानगरपालिका क्षेत्रभित्र कर्फ्यु लागु हुनेछ । धार्मिक विवादका कारण वीरगञ्जको अवस्था नियन्त्रणबाहिर जान सक्ने देखिएपछि प्रशासनले कर्फ्यु जारी गरेकाे हाे ।
कर्फ्युको समयमा सर्वसाधारणलाई घरबाहिर निस्कन र हिँडडुल गर्न पूर्ण रूपमा रोक लगाइएको छ ।

























