उच्च अदालतका १४ न्यायाधीशको सरुवा, को कहाँ परे ?

विराटनगर । न्याय परिषद्ले शुक्रबार उच्च अदालतका १४ जना न्यायाधीशको सरुवा गरेको छ ।

उच्च अदालत जनकपुर, राजविराज इजलासबाट हरिप्रसाद भण्डारी र धीरबहादुर चन्दलाई उच्च अदालत विराटनगर, ओखलढुंगा इजलासमा सरुवा गरिएको छ । भण्डारी र चन्दको यसअघि नै ओखलढुंगा इजलासमा काज सरुवा गरिएको थियो ।

Advertisement

उच्च अदालत विराटनगर, ओखलढुंगा इजलासबाट नातिबाबु लामिछानेको उच्च अदालत पोखरा, बाग्लुङ इजलासमा सरुवा भएको छ ।

उच्च अदालत तुलसीपुर, बुटवल इजलासबाट सुभाष पौडेलको नेपालगन्ज इजलास र उच्च अदालत तुलसीपुर, नेपालगन्ज इजलासबाट श्यामजी प्रधानको उच्च अदातल सुर्खेत, जुम्ला इजलासमा सरुवा भएको छ ।

उच्च अदालत तुलसीपुर, बुटवल इजलासबाट सोमकान्त मैनालीको उच्च अदालत तुलसीपुर र उच्च अदालत तुलसीपुर, नेपालगन्ज इजलासबाट किरणकुमारी गुप्ताको उच्च अदालत तुलसीपुर, बुटवल इजलासमा सरुवा भएको छ ।

उच्च अदालत जनकपुर, राजविराज इजलासबाट राधाकृष्ण उप्रेतीको उच्च अदालत पाटन र उच्च अदालत दिपायल, महेन्द्रनगर इजलासबाट कविप्रसाद न्यौपानेको उच्च अदालत पाटनमा सरुवा गरिएको छ ।

उच्च अदालत विराटनगर, धनकुटा इजलासबाट सुशील कोइरालाको उच्च अदालत जनकपुर, राजविराज इजलास र उच्च अदालत तुलसीपुरबाट अच्यूतकुमार आचार्यको उच्च अदालत जनकपुर, राजविराज इजलासमा सरुवा भएको छ ।

उच्च अदालत तुलसीपुर, बुटवल इजलासबाट विष्णुप्रसाद अर्यालको उच्च अदालत विराटनगर सरुवा भएको छ । उनको यसअघि उच्च अदालत तुलसीपुरमा काज सरुवा भएको थियो ।

उच्च अदालतल जनकपुरबाट नरबहादुर खड्काको उच्च अदालत तुससीपुर र उच्च अदालत विराटनगर, ओखलढुंगा इजलासबाट सरला मोक्तानको उच्च अदालत जनकपुर, राजविराज इजलासमा सरुवा भएको छ ।