कोशीमा बल्ल सुरु भयो एनआईसीयू

विराटनगर । विराटनगरको कोशी अस्पतालमा एनआईसीयू सेवा पुन सञ्चालनमा आएको छ ।

दुई वर्षभन्दा अघिदेखि रोकिएको एनआईसीयू सेवा आजबाट  सञ्चालनमा आएको हो । अस्पतालको एनआईसीयू सेवा सञ्चालन नहुँदा बिरामी निजी तथा महँगो अस्पतालमा जान बाध्य रहेको समाचार मुलुकी खबरले प्रकाशित गरेपछि अस्पताल प्रशासनले सेवा सञ्चालन गर्न चासो देखाएको थियो ।

शुक्रबारदेखि  अस्पतालमा पाँच बेडको एनआईसीयू सेवा सञ्चालनमा आएको निमित्त  मेडिकल सुपरिटेन्डेन्ट रविनराज सिंहले जानकारी दिए ।

आईसीयू रहेको स्थानमा पाँच बेडमा उपकरण जडान गरेर एनआईसीयू सेवा सञ्चालनमा ल्याएको उनले बताए ।

यो पनि पढ्नुहोस्

डाक्टरले चल्न दिँदैनन् कोशीमा एनआईसीयू, अढाई करोडको उपकरणमा माकुराको जालो