श्रीलंकालाई हराउँदै भुटना समूह ‘बी’को शीर्ष स्थानमा

Share this
684shares
मुलुकी खबर
मुलुकी खबर
clock२०८१ कात्तिक ५, सोमबार १८:२५

काठमाडौं । साफ महिला च्याम्पियनसिप २०२४ अन्तर्गत आज भएको खेलमा भुटानले श्रीलंकालाई पराजित गरेको छ । श्रीलंकालाई हराउँदै भुटान समूह ‘बी’को अंक तालिकामा शीर्षमा चढेको छ ।

काठमाडौंको दशरथ रंगशालामा भएको खेलमा भुटानले श्रीलंकालाई ४–१ को फराकिाले गोल संख्यामा पराजित गर्दै अंक बटुलेको छ । भुटानले २ खेलबाट ४ अंक जोडेको छ । यसअघि घरेलु टोली नेपालसँग गोलरहित बराबरीमा खेलेको थियो ।

श्रीलंकाको २ खेलमा ३ अंक छ भने नेपालको १ खेलमा १ अंक छ । माल्दिभ्स १ खेलमा बिना कुनै अंक पुछारमा छ ।

भुटानका लागि डेकी ल्जोहामले २ गोल, दोर्जी एडेन र नामग्याल डेमाले समान १–१ गरेका थिए । श्रीलंकाका लागि थुशानी मधुशिकाले एक मात्र सान्तवना गोल फर्काइन् ।

त्यसैगरी, आजै अर्को खेल नेपाल र माल्दिभ्सबीच खेल जारी रहेको छ । मध्यान्तरसम्म नेपाल ४ गोल र माल्दिभ्स ० गोलको स्थितिमा खेल्दैछन् ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.