
काठमाडौं । विराटनगर किंग्सविरुद्ध सानदार जीत निकाल्दै सुदूरपश्चिम रोयल्सले नेपाल प्रिमियर लिग (एनपीएल) यात्राको सुरुवात गरेको छ ।
पहिलो खेलमा जनकपुरसँग पराजित भएको विराटनगर दोस्रो खेलमा टस जितेर फिल्डिङ रोजेको विराटनगरलाई सुदूरपश्चिमले १८३ रनको लक्ष्य दिएको थियो । विशाल लक्ष्य पछ्याएको विराटनगर किंग्स ९२ मै अलआउट भयो ।
विराटनगरका बसिर अहमदले २४, निकोलस किर्टोनले १५,क्रिस सोलेले १० र अनिल खरेलले १० रन बनाए । अन्य खेलाडीले दोहोरो अंकमा रन जोड्न सकेनन् ।
सुदूरपश्चिमले विराटनगरलाई ९० रनले पराजित गर्याे ।
आक्रामक ब्याटिङ गरेको सुदूरपश्चिमले बलिङमा पनि उत्कृष्ट प्रदर्शन गर्यो । विराटनगरविरुद्ध फराकिलो जीत निकाल्ने क्रममा अविनाश बोहोरा र स्कटले ३–३ विकेट लिए ।
यसअघि सुदूरपश्चिमले ७ विकेटको क्षतिमा १८२ रन बनाएको हो । कप्तान दीपेन्द्रसिंह ऐरीले ५७ जोडेका थिए । विराटनगरका अनिल खरेलले तीन, क्रिस सोले, इस्मत अलाम र बसिर अहमेदले एक– एक विकेट लिए ।



















