
काठमाडौं । भारतमा जारी खो खो विश्वकपमा नेपालको महिला टोलीले भुटानलाई पराजित गरेको छ । भुटानलाई हराएर नेपालले विजयी सुरुवात गरेको हो ।
नेपालको महिला टिमले पहिलो खेलमा भुटानलाई ९३–२४ ले हराएको छ । सरस्वती कठायतको कप्तानीमा रहेको महिला टोलीले भुटानमाथि विजय प्राप्त गरेपछि नेपालकी मानवती धामी उत्कृष्ट खेलाडी घोषित भइन् ।
नेपालले आजै जर्मनीसँग अर्को खेल खेल्ने छ । समूह ‘सी’ मा नेपाल, भुटान, जर्मनीसँगै बंगलादेश र श्रीलंका छन् । नेपालले बुधबार श्रीलंकासँग र बिहीबार बंगलादेशसँग खेल्ने छ । हरेक समूहबाट शीर्ष दुई टोली क्वाटरफाइनलमा प्रवेश गर्ने छन् ।
पुरुषतर्फ समूह ‘ए’ मा रहेको नेपाल पहिलो खेलमा भारतसँग ४२–३७ ले हारेको थियो । पुरूषतर्फ आज नेपाल र पेरुबीच प्रतिस्पर्धा हुने छ ।



















