कोशीमा ‘आयोजना बैंक’ सञ्चालन गर्दै प्रदेश सरकार

Share this
779shares
मुलुकी खबर
मुलुकी खबर
clock२०८१ माघ ३, बिहीबार १९:२१

विराटनगर । कोशी प्रदेश सरकारले बजेटमा व्यवस्थित ढंगले योजना समेट्नका लागि ‘आयोजना बैंक सञ्चालन’ गर्ने भएको छ ।

‘आयोजना बैंक सञ्चालन’ लागि सरकारले प्रक्रिया अघि बढाएको छ । यो सुरु भएमा प्रदेशमा व्यवस्थित रुपले योजनाहरु कार्यान्वयनमा जाने अपेक्षा सरकारको छ ।

मुख्यमन्त्री हिक्मतकुमार कार्कीले बजेट बनाउँदा चर्को आलोचना खेप्नु परेको र त्यसलाई थितिमा बाँधेर काम गर्न ‘आयोजना बैंक’ आवश्यक रहेको बताए । ‘आयोजना बैंक’मार्फत योजनाहरु ल्याउनका लागि प्रदेश योजना आयोगलाई जिम्मेवार र बलियो बनाएर लैजाने उनको भनाइ छ ।

कोशी प्रदेश आयोजना बैंक कार्यविधि, २०८१ को मस्यौदालाई सरोकारवालासँग छलफलमा समेत लगिएको छ । मुख्यमन्त्री कार्कीले आयोजना छनोर्ट विधिसम्मत बनाउँदै विकास निर्माणलाई व्यवस्थित र दीर्घकालीन बनाउनका लागि ‘आयोजना बैंक’ चाहिएको दाबी गरे । भने, ‘हामीलाई थितिमा बाँध्न पनि यो चाहिन्छ । यसले हामीलाई पारदर्शी बनाउने र असारमा मन्त्रालय धाउनेले बजेट पाउने परम्परा पनि अन्त्य हुन्छ । ’

प्रदेश सरकारले जिल्लामा गएर स्थानीय तह र सरोकारवालासँग छलफल गरेर योजनाहरु बनाउने र त्यसलाई ‘आयोजना बैंक’मा राख्ने व्यवस्था मस्यौदामा गरेको छ । ‘आयोजना बैंक’मा आयोजना माग गर्न विभिन्न चरणमा सूचना आह्वान गर्ने, माग दर्ता गर्ने, योजनाको पहिचान गर्ने र वैशाख १५ सम्म ‘आयोजना बैंक’मा प्रबिष्टि गर्ने गरी तालिका बनाएर काम गरिने छ ।

बैंकमा पूर्वाधार विकासका ५० लाख रुपैयाँदेखि माथिका योजना समावेश गर्ने नीति सरकारको छ । सरकारले सडक तथा पुलको न्यूनतम २ करोडको, पर्यटन प्रवर्धन सम्बन्धी पूर्वाधारमा १ करोड, धार्मिक, सांस्कृतिक क्षेत्रको पूर्वाधार, झोलुंगे पुल, सिँचाइलगायतका आयोजनाको ५० लाख रुपैयाँसम्मको योजनालाई ‘आयोजना बैंक’मा समेट्ने तयारी गरेको आर्थिक मामिला तथा योजना मन्त्रालयका सचिव शंकर नेपालले बताए ।

आयोजना बैंककै विषयलाई लिएर बिहीबार कोशी प्रदेश सरकारले सरोकारवालासँग छलफल गरेको छ । छलफलमा पूर्वमुख्यमन्त्री एवं नेपाली कांग्रेस संसदीय दलका नेता उद्धव थापाले यसलाई व्यवस्थित ढंगले कार्यान्वयन गरेर लैजानुपर्ने बताए ।

प्रदेश सरकारले बनाएको ‘आयोजना बैंक’को कार्यविधिको मस्यौदा उत्कृष्ट रहेको नेकपा (माओवादी केन्द्र)का प्रदेशसभा सदस्य एवं पूर्वमन्त्री गणेश उप्रेतीले बताए । यसलाई अक्षरशः कार्यान्वयन भएमा यसले प्रदेशको विकासमा महत्वपूर्ण भूमिका खेल्ने उनको भनाइ छ । मस्यौदाका विषयमा प्रदेशका विभिन्न संसदीय समितिका सभापतिहरुले धारणा राखेका थिए ।

तपाइको प्रतिक्रिया
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
© 2024 Muluki Khabar. All Rights Reserved. Design & Develop By: Indesign Media Pvt. Ltd.