यू-१९ विश्वकपमा महिला टोलीको डेब्यू खेल आज

Share this
705shares
मुलुकी खबर
मुलुकी खबर
clock२०८१ माघ ५, शनिबार ०७:५९

काठमाडौं । नेपालले आज आईसीसी यू– १९ महिला टी–२० विश्‍वकप २०२५ मा पहिलो खेल खेल्ने छ ।

यू १९ विश्‍वकपमा पहिलोपटक सहभागी हुन लागेको नेपालको महिला टोलीले बंगलादेशसँग खेल्नेछ । आज अन्य पाँच खेल पनि हुनेछन् ।

नेपाल र बंगलादेशबीचको खेल मलेसियाको बाङ्गीस्थित यूकेएम क्रिकेट ओभलमा शनिबार दिउँसो नेपाली समयअनुसार सवा १२ बजेदेखि खेल सुरू हुनेछ ।

नेपालको कप्तानी पुजा महतोले गर्नेछिन् । बंगलादेशको कप्तानमा सुमैया अक्तर छिन ।

नेपालले बंगलादेशसँग गत डिसेम्बरमा मलेसियामै भएको यू–१९ एसिया कपमा खेलेको थियो । उक्त खेलमा नेपाल पराजित भएको थियो ।

विश्‍वकप खेल्न लागेको नेपाली टोलीले एसिया कपमा व्यहोरेको हारको बदला लिँदै जितका साथ विश्‍वकप यात्रा सुरूवात गर्न चाहान्छ ।

विश्‍वकप खेल्न मलेसिया प्रस्थान गर्नुअघि नेपालकी कप्तान पुजा महतोले बंगलादेशसँग एसिया कपमा व्यहोरेको हारको बदला लिने बताएकी थिइन् ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.