राष्ट्रपति पौडेल र बेलायती राजकुमारबीच भेटवार्ता

काठमाडौं । राष्ट्रपति रामचन्द्र पौडेल र बेलायतका राजकुमार एडवार्डबीच भेटवार्ता भएको छ । उनीहरुबीच राष्ट्रपति निवास शीतल निवासमा भेटवार्ता भएको हो ।

राजकुमार एडवार्ड पत्नी सोफीयासहित मंगलबार नेपाल भ्रमणमा आएका हुन् । भेटका क्रममा पौडेलले जलवायु परिवर्तन विश्वको प्रमुख चिन्ताको विषय भएकाले समस्या समाधानका लागि सबै मिलेर काम गर्नुपर्ने बताए ।

Advertisement

भेटवार्ताका क्रममा नेपालले सगरमाथा संवादको थालनी गर्न लागेको जानकारी राष्ट्रपति पौडेलले गराएका थिए । पौडेलले बेलायतका राजपरिवारका सदस्यहरूबाट विभिन्न समयमा हुँदैआएका नेपाल भ्रमणले दुई देशबीच रही आएको सुमधुर सम्बन्धलाई अझ मजबुत पार्न योगदान दिएको बताए ।

राजकुमार एडवार्डले नेपालमा जलवायु परिवर्तनले पारेको असर र त्यसको न्यूनीकरणमा नेपालले गरेको प्रयासका बारेमा जानकारी पाउने विश्वास व्यक्त गरे ।