
काठमाडौं । पोखरा भ्रमण वर्षको उद्घाटनका क्रममा बेलुन पड्किएर घाइते भएका उपप्रधान तथा अर्थमन्त्री विष्णु पौडेल र पोखरा महानगरपालिका मेयर धनराज आचार्यलाई काठमाडौं ल्याइएको छ ।
दुवै जनालाई हेलिकप्टरमार्फत काठमाडौं ल्याइएको हो ।
उनीहरुलाई कीर्तिपुरस्थित बर्न अस्पतालमा भर्ना गरिएको छ ।
भ्रमण वर्ष उद्घाटनका बेलुनमा राखेर लोगो सार्वजनिक गर्न खोज्दा बेलुन पड्किदा मन्त्री पौडेल र मेयर आचार्यलाई आगोको लप्काले भेटेको थियो । दुवै जनाको अनुहार तथा शरीरका अन्य भागमा चोट छ ।

























